చూసి చూడంగానే’ టీజర్ …. హీరో శివ డైలాగ్ తో టీజర్ విడుదల !

‘చూసి చూడంగానే’ చిత్రం టీజర్ సామాజిక మాధ్యమాల్లో అభిమానులను ఆకట్టుకుంటోంది.  హీరోగా పరిచయమవుతున్న నిర్మాత రాజ్ కందుకూరి కుమారుడు శివ ఈ టీజర్ లో కన్పిస్తూ ‘ అవును.. ఇది మెకానికల్ క్లాస్ రూమేనా’ అని తన స్నేహితుడితో అనగా జవాబుగా స్నేహితుడు ‘వాళ్లను చూశావా, పాత డబ్బింగ్ చిత్రాల్లో హీరోయిన్ తరహాలో ఎలా ఉన్నారో.. మెకానికల్ లో అమ్మాయిలు అలాగే ఉంటారు’ అని చెబుతాడు. ఈ చిత్రంలో హీరోయిన్ గా కూడా కొత్త అమ్మాయి మాళవిక పరిచయం కానుంది. గోపీ సుందర్ చిత్రానికి సంగీతం అందిస్తున్నారు. ధర్మపద క్రియేషన్స్ పేర రాజ్ కందుకూరి నిర్మిస్తున్నారు. కాగా, సురేష్ ప్రొడక్షన్స్ బ్యానర్ పై చిత్రాన్ని సురేష్ బాబు సమర్పిస్తున్నారు.